Sunday, June 30, 2013

Shqiptarët, të ardhmes i bën gjëmën


Alban Daci

Zgjedhjet u mbyllën! Disa qanë, disa të tjerë qeshën e disa të tjerë u zgërdhinë. A fituan shqiptarët në këto zgjedhje? Përgjigja sipas meje është jo! Ndoshta unë e ekzagjeroj, por flas i qetë, pa emocione dhe i pangarkuar me militantizëm. Shqiptarët nuk kanë fituar, por kanë humbur përmes shitjes së tyre. A është faji i shqiptarëve që u shitën për lekë, euro, apo miell? Disa thonë jo, sepse argumentojnë se, shqiptaret janë varfëruar aq shumë sa nuk dinë c’bëjnë. Është e ditur teoria se kur një vend është në mjerim nuk ka demokraci. Megjithatë lind pyetja: kur shqiptarët do të dalin nga mjerimi dhe të bëjnë demokracinë? Kjo është pyetja më e rëndësishme në këto momente, përtej festimeve të militantëve dhe të politikanëve të vjetër që tashmë janë të konsumuar. Shqiptarët e shitën votën, të ardhmen dhe dinjitetin për pak para. Shqitarët të vetmin mekanizëm që kishin në dorë për të bërë demokraci ishte vota, ato e shitën atë dhe bashkë me të edhe mundësinë për të qenë më të lirë dhe më të bashkuar.
Në këto zgjedhje nuk humbëm ne të rinjtë që zgjohëm kauzën kombëtare përmes Aleancës Kuq e Zi, por shqiptarët humbën mundësinë e përfaqësimit në Parlament nga djem e vajza të reja, të panjëllosur e me plot dëshirë për të punuar për këtë vend. Një grup politikanësh të vjetër e të dhjamosur me pasurinë tonë, me djersën e prindërve tanë na sulmuan, na blenë njerëzit e në fund donin të azgjesonin edhe politikisht.
Aleanca Kuq e Zi u ofroi shqiptarëve mundësinë për të votuar kauzën e bashkimit dhe cështjen shqiptare, por ato zgjodhën të shiten dhe të skllavërohen. Nëse sot Berisha është larguar, kjo është një fitore e madhe për të gjithë shqiptarët dhe kjo fitore i takon padyshim Aleancës Kuq e Zi e djemve e vajzave që e krijuan këtë frymë duke protestuar edhe dy herë në ditë, në shi, në vapë e në cdo cep të Shqipërisë. Por jam i sigurtë se ardhja e Metës me Ramën është një fatkeqësi reale për cdo shqiptarë.
Parlamenti i ri nuk do të jetë as KuqeZi e as i përfaqësuar drejt, por i mbushur me injorantë, njerëz imoral, hajdutë, greke e gjithëlloj që nuk e vrasin mendjen as për Shqipërinë e as për shqiptarët. Shqiptarët shumë shpejt do e kuptojnë se i kanë bërë gjëmën të ardhmes, unë jam i sigurt për këtë e do të jem dëshmitarë i kësaj.

Friday, June 7, 2013

AK, deklaratë për shtyp: Greqia të mos guxoi të dhunoi pasaportën kuq e zi

Jemi dëshmitar se si autoritetet kufitare dhe doganore greke kthejnë në pikat kufitare qindra e mijëra shtetas shqiptar pa asnjë lloj motivimi juridik.
Autoritetet greke jo vetëm i kthejnë padrejtësisht shtetasit shqiptarë, por thuajse në të gjitha rastet dhunojnë në mënyrë arbitrare dhe të turpshme pasaportën shqiptare, e cila është simbol shtetëror e kombëtar.
Me këto akte pala greke jo vetëm që shkel në mënyrë flagrante të gjitha konventat ndërkombëtare për emigrantët, por dhe parimin e lëvizjes së lirë të bazuar në Traktatin Schengen.
U bëjmë thirrje autoriteteve greke të mos guxojnë të dhunojnë pasaportën shqiptare, sepse ajo përfaqëson simbolet tona kombëtare dhe do të marrim përgjigjen e merituar nga 10 milion shqiptar.
Ne jemi mire sot këtu para Ambasadës Greke për të mbrojtur të drejtat e mijëra emigrantëve shqiptarë që në këto 22 vite kanë dhënë kontribut të rëndësishëm në zhvillimin ekonomik të Greqisë.
Ne nuk do I lejojmë autoritet greke t’i trajtojmë emigrantët shqiptarë sikur të ishin skllevër.
Gjithashtu denoncojmë hapur refuzimin e pasaportave shqiptare për shkak se toponimet janë shkruar në shqip dhe jo në greqisht.
Argumentimi I palës greke është I padrejtë e në kundërshtim me vetë faktin se sipas BE, diversiteti është vlerë e shtuar dhe garanton zhvillim.
Gjithashtu, me ardhjen e Qeverisë Kuq e ZI I garantojmë grekët se do I trajtojmë ashtu siç na kanë trajtuar ata në këto 22 vite.

Do vendosim në zbatim parimin themelor e marrëdhënieve ndërkombëtare, atë të reciprocitetit. 

Tuesday, June 4, 2013

Tre valët e AK




Alban Daci

Vala e parë  është themelimi i AK. Shqipërisë po i cenohej hapur sovraniteti. Vazhdoji fushata famëkeqe nën moton e regjistrimit të popullsisë dhe fesë për të krijuar bindjen ashtu si në 1913 se në Shqipëri kush është ortodoks është serb dhe grek, kush është mysliman është turk e kush është katolik është italian. I vetmi që zbuloji  këtë gjëmë të madhe ishte Kreshnik Spahiu, nënkryetari i KLD në atë kohë, i cili denoncoji qindra raste të  kthimit të paligjshëm të kombësisë nga shqiptarë në greke. Z. Spahiu ju bashkëngjiten qindra patriotë e të rinj që vendosen të themelojnë Lëvizjen Aleanca Kuqezi. U quajt kështu, sepse Shqipëria kishte nevojë për një aleance mes shqiptarëve për të mbrojtur identitetin kombëtar. Ishte po kjo lëvizje me patriotët më të devotshëm që mbrojti edhe shitjen e platformës detare, e cila cenonte hapur e drejtpërdrejtë sovranitetin territorial të Republikës së Shqipërisë.
Vala e dytë është kalimi nga Lëvizja e Aleanca Kuqezi na Partia Aleanca Kuqezi. Lëvizja Aleanca Kuqezi bëri programin e saj emergjentë prej dhjetë pikash për ta shpëtuar Shqipërinë nga tirania, shitja e territoreve, ndërrimi i kombësisë, zhvatja e pasurive kombëtare. Asnjëra nga ato pika emergjente nuk do të implimentoheshin nëse AK nuk kthehej në forcë politike dhe si e tillë nuk do të bënte betejë të fortë parlamentare. Pra, AK në filozofi mbetej Lëvizje Mbarëkombëtare, por në aspektin funksional u kthye në parti politike. Ajo filloj strukturimin e partisë me model origjinal demokratik, mbi idenë e grupit dhe komunitetit. Shpejt bëri jehonë modeli politik i AK duke ngjallur shpresë tek shqiptarët.
Vala e tretë është fitimi i zgjedhjeve të 23 qershorit dhe betimi i Kreshnik Spahiut si Kryeministri i vendit. AK do të jetë forca e parë në zgjedhje për disa arsye. Së pari krijoji identitetin e saj origjinal opozitar. Së dyti për hir të idealeve nuk pranoji të bënte pazare me partitë e vjetra, por vendosi të dalë e vetme ashtu siç lindi si forcë e vetme patriotike në vend. Shqiptarët janë ngopur me gënjeshtra dhe me premtime false të politikës së vjetër dhe për këtë arsye me në fund kanë një alternative reale e ndryshe që t'i besojnë e kjo është Aleanca Kuqezi.

Saturday, June 1, 2013

Nesër është Kongresi i shqiptarëve kuq e zi

Alban Daci

Aleanca Kuq e Zi u themelua nga djem e vajza të mrekullueshëm të cilët besojnë thellësisht tek ideali patriotik dhe tek dashuria për vendin.
Aleanca Kuq e Zi u themelua më në krye nga lideri Kreshnik Spahiu, i cili me formim të thellë patriotik dhe shqiptar beson realisht tek Shqipëria e Bashkuar. 
Ne të gjithë e krijuam Aleancën Kuq  e Zi dhe udhëtuam kudo, në çdo qytetet, mal e kudo ku ka shqiptarë që ndjeheshin plotësisht kuq e zi.
Shumë sulme të padrejta u bënë kundrejt nesh, por nuk u ndalëm dhe nuk reshtëm në rrugën tonë të drejtë. Kemi qëndruar me ditë të tëra pa gjumë, kemi përballuar kërcënime, shantazhe, arrestime e ofendime nga njerëz që vetëm dhimbje i kanë shkaktuar vendit tonë, por ne përsëri nuk u ndalëm.
Nesër është një ditë e madhe, dita e Kongresit të Aleancës Kuq e Zi. Jam i sigurt se historia do të shkruaj jo vetëm për ditën e nesërme, por për të gjitha ditët që i kemi veshur kuq e zi.
Nesër shqiptarët kanë mundësinë të marrin pjesë personalisht dhe të hyjnë në historinë tonë kombëtare kuq e zi.

Nesër çdo shqiptar ka mundësi të marr pjesë dhe t’u dëshmojë brezave që vijnë se edhe unë isha aty. Nesër është fillimi i një fitorje të madhe kuq e zi që do të ndodh me datë 23 qershor.