Dua t'u drejtohem te gjithe te rinjve

Alban Daci

Shume prej jush per shkak te politikes se vjeter u larguat nga Shqiperia.

Shume prej jush u diplomuat me shume veshtiresi, por silleni prap rrugeve dhe pa te ardhme po per shkak te politikes se vjeter. 

Shume prej jush e duan Shqiperine si Europa, por politika e vjeter vetem e ka larguar nga ajo.

Shume prej jush duan qe shqiptaret te jene te bashkuar, por politika e vjeter i percau ata.

Shume prej jush duan mireqenie, por politika e vjeter solli mjerim.

Shume prej jush i duan pyjet dhe mjedesin, por politika e vjeter i preu dhe i dogji. 

Shume prej jush duan te kene nje shtepi, politika e vjeter thote blijeni 100 mije euro me nje rroge mujore prej 400 euro.

Shume prej jush duan te studiojne, por politika e vjeter i mundeson diplome cdo gomari qe ju konkurron ne menyre te pandershme vendin e punes me ju. 

Shume prej jush duan te jene te sigurt, politika e vjeter po i vret te rinjte ne per bare dhe restorante.

Deshironi t'i ndeshkoni politikanet e vjeter qe ju prishen endrrat? Hajdeni tek AK!

Deshironi te pastroni Shqiperine nga plehrat qe roberuan jeten e prinderve tuaj? Hajdeni tek Ak!

Deshironi qe Shqiperia te jete Demokratike? Hajdeni tek AK!

E deshironi Shqiperine pa Berishen, Ramen, Meten dhe Dulen? Hajdeni tek AK!

Ju keni mundesi te jeni ashtu sic e meritoni. 

Zgjidhni AK, te ardhmen tuaj dhe te cdo shqiptari!

Unë do të jem me Kreshnik Spahiu në një 1 Maj para Kryeministrisë

Alban Daci

Me datë 1 Maj, Aleanca Kuq e Zi e vetmja forcë Opozitare në vend ka vendosur të dal të protestojë kundër Regjimit të shtetasit Berisha. Spahiu, ky hero  i vetëm në kohërat moderne dhe i patrembur në interes të vendit ka vendosur në Ditën Ndërkombëtare të Drejtave të Punëtorëve ka vendosur të protestojë kundër Regjimit Berisha dhe kundër papagallëve të tij që përbëjnë jo më shumë se 1% të popullsisë dhe kanë kthyer në skllevër 90% shqiptarë të ndershëm. Unë, pasnesër do të jem aty bashkë me Kreshnik Spahiu përballë Shtetasit Berisha për t’i thënë se tashmë koha jote ka perënduar. Unë, do të jem aty me Kreshnik Spahiun për të mbrojtur të drejtat e mia, identitetin tim, të familjes time, të shqiptarëve dhe të vetë Shqipërisë. Unë, do të jem aty për të protestuar kundër varfërisë, korrupsionit, kundër skandaleve, kundër shitjes së territoreve, kundër monopoleve greke dhe serbe, kundër trashëgimisë politike. Unë, do të jem aty me Kreshnik Spahiun. Hajdeni edhe ju, qytetarë të ndershëm, patriot dhe të guximshëm që të mos e lëmë vetëm Kreshnik Spahiun. 

Tradhetaret u larguan dhe te vertetet qendruan

Alban Daci

Se pari dua te sqaroj se une dhe shume te tjere si une, vendosem te themelojme AK, sepse Shqiperia ndodhej ne nje krize politike. Ne vend nuk kishte nje alternative te re konkrete. Politika e vjeter shqiptare ishte e konsumuar ne mandate, ne figura, ne vizione dhe ne ide. Shqiperia kishte nevoje per nje parti te re qe do te perfaqesonte ide te reja, interesa kombetare dhe burime njerezore te reja ne mendje dhe ne energji. Pra, ne e themeluam AK si nje forme te re mendimi, si nje formacion te ri politik. Ne qe e formuar nuk ishim as me pasione Majtas e as me pasione Djathtas, por ishim vetem me pasionet KuqeZi. Ne, nuk e formuam AK per te shkuar me vone tek PS, apo te shkuar tek PD. Ne formuam AK, per te qene vetem me shqiptaret dhe Shqiperine. Ne kete drejtim, asnje nuk eshte larguar nga AK, sepse ato qe jane larguar nuk kane qene kurre me AK dhe kurre nuk jane ndjere Kuq e Zi, por kane pasur pasione te Majta dhe jane kamofluar si KuqeZi per te realizuar pasionet e tyre te verteta edvinriste. Te jesh Kuq e Zi eshte privilegj, eshte sfide, eshte guxim e krenari. Ne jemi krenare, ne jemi te gunxishem, ne jemi te drejte ne kauzen tone, ne besojme tek Shqiperia, ne besojme tek kauza patriotike, ne besojme tek e ardhmja kombetare KuqeZi. Sot, ne kuqezinjte e vertete, qe nuk kemi mani pushtetin dhe fiksim te Majten, ishim ne mitingun madheshtor te AK ne Fier. Aty, gjetem mijera qytetare te tjere kuqezi, te cilet na brohoriten, na duartrokiten dhe na mbeshteten duke na dhuruar emocione te forta. AK eshte ne ditet me te mira qe nga krijimi i saj, sepse tashme ajo u purifikuar nga nje proces natyral ku te vertetet u ndane nga falsit. AK eshte nje parti politike me plot energji, me kauze te drejte dhe me program konkret qe do t'i mbijetoje gjate sistemit politik shqiptar. 

A ka të Majtë apo të Djathtë?

 Alban Daci

Për 50 vite gjatë Regjimit shoqëria u politizua aq shume sa çdo gjë varej prej "Nënës Parti". Për të shkuar në shkollë duhet të ishe anëtarë partie. Për të bërë karrierë duhet të ishe anëtarë partie. Për të ardhur në Tiranë duhet të rekomandoheshe po nga Partia. Kjo tradite e shëmtuar u trashëgua edhe pas viteve '90, sepse ishin të njëjtët njerëz me të njëjtën mendësi. Në këto rrethana, nuk u krijua një ideologji e djathtë, por një kamuflazh djathtas e me bindje ekstreme majtas. Kjo shpjegon edhe mendësinë të ushtruar në vazhdimësi “o me ne”, “ose kundër nesh”. Për fat të keq këtë gjë të shëmtuar po e zbaton edhe Rama kundrejt Aleancës Kuq e Zi. Ai tregon se është vazhdimësi e mendësisë së vjetër. Në këto rrethana, shqiptarët nuk mund të kërkojnë te Majtë dhe të Djathtë, sepse ato nuk ekzistojnë, por duhet të besojnë tek fryma dhe burimet njerëzore që ka një parti. Aleanca Kuqezi e Zi ka fryme patriotike dhe djem të rinj e vajza të reja që e duan këtë vend. Qytetarët shqiptar duhet të shikojnë se cila parti përfaqëson interesat e shqiptarëve dhe kush përfaqëson interesat e grekeve, serbëve e të atyre që nuk e kanë dashur kurrë Shqipërinë. Shqiptarët nuk duhet të mendojnë nëse të shkojnë Majtas apo të shkojnë Djathtas. Shqipëria ka pasur në 23 vite një grup halabakësh dhe hajdutësh që nuk kanë menduar gjë tjetër veçse xhepat e tyre. Si mund të ketë të Majtë në Shqipëri, kur nuk ekziston një shtresë e mesme? Isha para ca ditësh në Prenjas. Një mjerim i vërtetë dhe një qytet i braktisur, pa punë, pa të ardhura e njerëzit jetonin me borxhe. Nëpër bare pinin kafe turke se ishte 300 lekë të vjetra dhe jo ekspres që kushtonte 500 lekë. Hyra bashkë me një mik në barë, i cili aty përshëndeti një të afërm të tij. Pasi e përshëndeti e pyeti se si ishte? Ai i tha: si të jemi dashamirës, po pimë kafe me lekë borxh. Pra, nuk kishte lekë as për kafe. Kjo për botën Perëndimore do të thotë mjerim. Në Shqipëri në këto vite tranzicion ka qeverisur edhe ajo që është quajtur e Majtë dhe jam kureshtar të ditë se cili ka qenë kontributi i saj për shtresat sociale nën nevojë. Një ditë tjetër shkova në qytetin e Durrësit në takim me qytetarët. Aty po më thoshte njëri se kishte 20 vjet proces gjyqësor për një pronë private dhe në fund kishte dhënë dorëheqje nga gjykimi se nuk po ja dilte dot. Në këto 20 ka qeverisur dhe ajo që quhet e Djathtë. Jam kureshtar të di se çfarë ka bërë e Djathta për pronën? Asgjë, premtime e vetëm premtime dhe si përfundim prona nuk ka shkuar tek i zoti. Kjo është historia e të Majtës dhe të Djathtës në këto vite tranzicioni. Përtej të Majtës false dhe të Djathtës së kamufluar zgjidhni Aleancën Kuq e Zi, e cila si parti patriotike pronën private e vlerëson se bazë e organizimit shoqëror. Ndërsa njeriun e shikon si gjënë më të rëndësishme të Atdheut e për këtë arsye ka nevojë për kujdesie sociale që ai të rritet, të edukohet dhe të formohet sipas standardeve më të mira. 

Jemi shqiponja në qiellin Kuq e Zi shqiptar

Alban Daci

E kuptoj hidhërimin e menjëhershëm të Ramës, pasi ne,  Aleanca Kuq e Zi, deklaruam se do të bëjmë aleancë vetëm me shqiptarët .  Ne,  jemi shqiponja, sepse simbol të vetëm kemi shqiponjën. Ne jemi shqiponja, sepse  kemi luftuar kundër një politike të vjetër arrogante dhe të papërgjegjshme. Ne jemi shqiponja se kemi luftuar kundër politikave të rrezikshme helenike. Ne jemi shqiponja, sepse kudo ku ka shqiptarë kemi valëvitur flamurin kuqezi, kemi kënduar në Veri këngë labe dhe në Jug këngë me çifteli. Ne jemi shqiponja, sepse nuk u frikësuam para Berishës ashtu siç bënë sorrat e PS. Ne jemi Shqiponja se nuk nxorëm qytetarët më 21 janar për t’i braktisur në fatin e Berishës ashtu siç bëri Rama. Ne jemi Shqiponja, sepse mes agimit të artë, Dules dhe Kosovës, zgjodhëm Kosovën dhe shqiptarët kudo që ndodhen.  Ne jemi shqiponja, sepse nuk lejuam që flamuri kuqezi të bëhet pjesë e pazareve, nuk lejuam që Dule të ngre brenda qeverisë shqiptare flamurin grek. Ne jemi Shqiponja se në çdo moment kemi treguar e dëshmuar se jemi krenarë që jemi shqiptar. Ju  jeni sorra që bëtë koalicionin e turpit, i cili në themel nuk ka gjë tjetër veçse korrupsionin, antishtetin dhe interesat personal. Ne jemi shqiponja, sepse jemi e vetmja forcë e vërtetë reale opozitare në vend. Ju jeni sorrat, sepse pranuat pazaret e Athinës dhe gjunjëzimit e ulët para Dules. Ne jemi shqiponja, që me datë 23 qershor do të trondisim politikën shqiptare duke siguruar një rezultat, i cili do të bëj të mundur që shqiptarët të jenë krenar, të mbrojtur, më të lumtur dhe me një jetë sociale të zhvilluar. Ne jemi shqiponja që do të fluturojmë në gjithë hapësirën shqiptare e nuk do të lejojmë asnjë sorrë të prish bukurinë origjinale kuqezi.  

Si rrëzohet Berisha?

Nga Alban Daci

Shqiptarët kanë katër opsione:

1. Të largojnë me 1 maj Berishën përmes pjesëmarrjes masive në protestën paqësore të organizura nga AK

2. Të bëhen pjesë e pazareve politike që nuk janë në dobinë e tyre e nuk sjellin asgjë të re

3. Ti besojnë AK, të vetmes forcë politike që është krejtësisht patriotike me djem e vajza të reja të shkolluar kryesisht jashtë vendit

4. Të zgjedhin Berishën dhe uzurpimin e institucioneve demokratike.

Berisha nuk njeh në karrierën e tij sensin e humbjes së merituar në një garë politike, nuk njeh dorëheqjen si akt fisnik dhe në shërbim të vendit. Seanca e brendshme parlamentare dëshmojë se Makiavelizmi është morali politik shqiptar. Mbrëmë politika e vjetër dhe e përfaqësuar nga njerëz me mendje të vjetër projektojë drejtimin e rrezikshëm të zgjedhjeve. Shqiptarët duhet të jenë të përgatitur për çdo lloje skenari të rrezikshëm dhe antidemokratik që mund të ofrojë Pozita aktuale.

Berishën ka vetëm një mënyrë për ta mundur.  Të krijohet një frymë e përbashkët dhe e fortë kundër tij, por e drejtuar nga njerëz që nuk janë konsumuar në të kaluarën as në pazare e as në afera të ndryshme korruptive.

Berisha nuk rrëzohet me pazare, se ka treguar se është një mjeshtër i pashoq në këtë drejtim. Ai rrëzohet vetëm me moral, guxim dhe nga njerëz të cilët e shikojnë angazhimin e tyre në politikë jo për tu pasuruar, por të ofruar një model të ri politik, një mendje të re të mbështetur në idealet demokratike dhe atdhetare.

Berisha nuk rrëzohet në mënyrë institucionale, sepse mjedisi i vjetër politik shqiptar është totalisht i infektuar nga njerëz që janë maniak të egoizmave personal, që janë maniak të makiavelizmit. Berisha ka dëshmuar se ai gjithmonë gjen ushtar të bindur edhe në kampin kundërshtar dhe arrin të sigurojë jetëgjatësinë e tij.

Berisha nuk rrëzohet përmes votës, sepse ai kurrë nuk e ka respektuar votën e lirë. Ai kurrë nuk ka fituar përmes votës së lirë dhe kurrë nuk e ka pranuar humbjen përmes votës së lirë. Berisha ka frikë nga vota e lirë e për këtë arsye krijon të gjithë mekanizmat për ta kontrolluar dhe manipuluar atë.

Berisha rrëzohet vetëm përmes një fryme të fortë gjithë kombëtare të modelit Gandist. Aleanca Kuq e Zi dha shembullin e saj me datë 7 prill dhe tashmë ka rikonfirmuar protestën e radhës të 1 majit. Kjo ditë duhet të konsiderohet nga të gjithë qytetarët si një ditë mbarë kombëtare kundër një personi të vetëm, Berisha dhe modelit të tij të dështuar qeverisës. Shqiptarët kanë mundësi të tregojnë dhe të dëshmojnë forcën e tyre opozitare. 

Shtetasi Berisha, Rinia shqiptare nuk "ha bar"

Alban Daci

Shtetasi Berisha, Rinia shqiptare nuk "ha bar"

Sot, shtetasi Berisha na foli për punësimin e të rinjve duke pranuar se janë bërë edhe gabime në rekrutimin e administratës shtetërore. Çfarë po na thotë! Një ndër pikat e mungesës se integrimit të Shqipërisë në BE është edhe statusi dhe mënyra e rekrutimit të punonjësit civil. Ka të paktën dhjetë vjet që nuk bëhet asnjë konkurs publik për rekrutim në administratën publike.

Të gjitha konkurset publike janë fiktive, fituesit vendosen kohë më parë kundrejt parave, nepotizmit ose militantizmit. Mjafton të shikojmë rekrutimet në shërbimin diplomatik për të kuptuar se çfarë ndodh në Shqipëri. Në sektorët kyç të vendit kemi militantë pa asnjë klasë shkollë ose nipa, mbesa e fëmijët e pushtetarëve.

Shtetasi Berisha gjithashtu deklarojë me krenari se është rritur në 21% punësimi i të diplomuarve jashtë vendit. Është një mashtrim i madh dhe i turpshëm. Të gjitha ata që janë kthyer dhe i përkasin brezit tim, pasi u sorollatën rrugëve në Shqipëri, të dëshpëruar dhe pa shpresë u rikthyen përsëri në Europë, e ndoshta për t'u mos kthyer më kurrë në Shqipëri.

Kjo është ajo që ka bërë Berisha, që shumë të rinjtë të urrejnë nga zhgënjimi vendin e tyre për t'u mos kthyer kurrë më. Pra, Berisha me modelin e tij ka bërë që të rinjtë të mos shpresojnë në një të ardhme më të mirë.

Unë,  si shume të tjerë u ktheva se e dua vendit tim dhe dua të kontribuoj që të behet ashtu siç e meriton, por ndryshe nga të tjerët nuk u largova e nuk do të largohem derisa të jetë larguar Berisha. Shqipëria është e jona dhe ajo ka nevojë për ne.

Me datë 23 qershor Rinia shqiptare do e tregojë forcën e saj të vërtetë duke rrëzuar me votë diktatorin e fundit të Ballkanit. Një lum më votat e të rinjve do të vërshojnë në emër të AK dhe kjo do të jetë një hakmarrje politike për mënyrën se si politika e vjetër është tallur me arsimin, dijen dhe sakrificat e tyre.

Ne drejtuesit e Aleancës Kuq e Zi u themi të gjithë shqiptarëve kudo që janë, kthehuni në Shqipëri. Hajdeni e të gjithë së bashku ta ndëshkojmë me votë politikën e vjetër dhe po së bashku të ndërtojmë Shqipërinë që kemi ëndërruar dhe dëshiruar.  Shqipëria po ju pret dhe si asnjëherë tjetër ka nevojë për ju. Shqipëria ka nevojë për çdo shqiptarë të ditur, të ndershëm dhe të gatshëm për të vënë interesat kombëtare mbi interesat e ngushta personale. 

Fundi berishian dhe lindja e një epoke Kuq e Zi

Alban Daci

Disa mendimtarë të mëdhenj e kanë përkufizuar termin e politikës në logjikën e pushtetit (Lasswell: politika si “ kush përfiton diçka, kur dhe si”); (Weber: politika si “përdorimi monopolist i detyrimit të legjitimuar”); (Makiaveli: “të qeverisësh do të thotë të bësh të besosh”); (De Gasperi: “politikë do të thotë realizim”).

Politika është zgjidhja e konflikteve mes njerëzve; është procesi që shoqëria përcakton në mënyrë autoritare lidhjen e burimeve dhe vlerave; është procesi që merren vendimet ose modifikohen programet politike dhe strategjitë e aksionit; është ushtrimi i pushtetit dhe influencës.
Për politikën, metafora më shumë e frekuentuar kanë qenë “qeveria e anijes”. Një anije mbi të gjitha është e përbërë nga një kolektivitet (të punësuarit), që duke lundruar gjithmonë së bashku, ndodhen në një far mase të izoluar nga pjesa tjetër e botës (identiteti i veçantë i tyre), por që kanë fatin e përbashkët të lundruesit.

Ky kolektivitet që të udhëtoj drejt destinacionit të dëshiruar ka nevojë të drejtohet nga një timon. Nga kjo rrjedh që lundruesit duhet edhe të organizohen, sipas ndarjes së detyrave (kush bën dhe çfarë) dhe sipas një nivelit hierarkik të autoritetit (kush mban timonin ka nevojë për më shumë pushtet se sa të tjerët).
Gjithashtu, është pothuajse e paevitueshme që mes lundruesve të lind ndonjë diferencë vlerësimi, afro gjysma e lundrimit dhe zgjedhja e rrugës ose afro organizimit të detyrave që duhet të kryhen mbi anije ose afro mijëra gjëra të tjera pak a shumë të rëndësishme për fatin e anijes (formimi i grupeve konkurrues, lindja e ndonjë konflikti mes të njëjtëve, kompozimi i konflikteve të njëjta).
Siç e shikojmë metafora e politikës si “qeverisja e anijes” përmban një pjesë të madhe të aspekteve që janë thelbësore për të ilustruar edhe elementet kryesor të politikës. Kolektiviteti ashtu si edhe polisi (“qyteti” i grekëve), timoni si pushtet për/mbi kolektivitetin, bashkëprania e konfliktit dhe bashkëpunimit, bashkëprania e komandimit dhe konsensusit, ekzistenca e vetë principit sovranitet (rrjedh nga fakti që mbi përcaktimin e trajektores së anijes askush nuk mund të ketë më shumë pushtet se ai që kontrollon timonin).

Në rrjedhën e kohës metafora politike e anijes ka takuar një përdorim shumë të frekuentuar, duke filluar pikërisht nga mendimtarët e mëdhenj grek dhe romak; (Platoni: “anija e çmendurive”, ku ekuipazhi kalon kohën në një pavdekësi alternimi kacafytjesh dhe zdërhalljes, pa arritur asnjëherë të jap një timonier me të vërtet ekspert të kohës, stinëve, të qiellit, të yjeve, të erës dhe të gjithçkaje që varet për të ndjekur anija trajektoren e dëshiruar); (Ciceroni: “ unë që kisha qeverisur anijen e shtetit në mesin e detit me mot të keq dhe e kisha sjellë shëndosh në port”) .
Qeveria, na paraqitet si një bashkësi vendimesh që janë përvetësuar në përcaktimin e drejtpërdrejtë të anëtarëve në veçanti, por që kolektivizohen, përderisa janë të kërkuar nga një pushtet i përbashkët. Qeveria e polisit si: një përdorim i përbashkët dhe i kolektivizuar i ndonjë timoni që drejton anijen kolektive në tërësi.

Në historinë e njeriut politika ka qenë përfaqësuar edhe nga shumë metafora të tjera. Në veçanti janë, ajo e shtetit si një familje, ajo e shoqërisë si një “trup njerëzor”, ajo e kalit si simbol i pushtetit dhe i popullit që duhet drejtuar.

Elementi i parë i çdo forme qeverie është qartësisht e përfaqësuar nga koncepti i autoritetit, në kuptimin e tij origjinal “ nuk besoj se pikërisht një është i madh, kur ai më bën të ndjehem i vogël” citonte një shkrimtar francez i shtatëqindtës.

Autoritet do të thotë të jesh i zoti që ti bësh të qeverisurit të pranojnë pushtetin. A mund të jetë forca dhe dhuna faktor që mund të bëjnë të mundur diçka të tillë, për ti bindur të qeverisurit të pranojnë pushtetin?
Talleyrand citon se me bajoneta mund të bëhet gjithçka, përjashtuar faktin që nuk mund të ulesh sipër tyre. Ndërsa Hannah Arendt thekson se: “dhuna për nga natyra instrumentale; si të gjithë mjetet, ka gjithmonë nevojë për një orientim dhe justifikim, për arritur qëllimin... pushteti nuk ka nevojë për justifikim, ajo për çfarë ka nevojë është legjitimiteti.

Element tjetër i rëndësishëm është përfaqësuar nga “urdhri” që duhet të karakterizojë vetë vendimet kolektive. L’imperium nga latinët na kujton se qeveria për të qenë e tillë, nuk duhet të flasë ... kot, por duhet ta dëgjojnë dhe ti binden. Vendimet kolektive që ajo ndërmerr duhet të prodhojnë efekte reale për kolektivitetin që herë pas herë janë të interesuar.

Elementi më i rëndësishëm që karakterizon dimensionin politik është ndërtuar nga principi i sovranitetit. Jean Bodin, filozof francez, në pesëqindtën teorizon i pari kuptimin teknik të fjalës që e përcakton si ekspresion cum summa potestate gubernatio; sot mund të themi, kapaciteti i qeverisjes pa ju përgjigjur asnjë fuqie superiore. Lassëell dhe Kaplan e përcaktojnë sovranitetin si “niveli më i lartë i autoritetit”.

Nga këto që pohuam deri tani, politika kuptohet si bashkësi aktivitetesh që janë të rëndësishme për të “qeverisur një qytet” dhe prezantohet nga gjashtë element thelbësor: ekzistenca e një grupi me persona (polis), brenda të cilit disa vendime rrjedhin nga anëtarë të veçantë të grupit të kërkuar në formën e “pushtetit kolektiv” (vendime kolektive); ekzistenca e marrëdhënieve mes atyre që qeverisin dhe atyre që janë të qeverisur që karakterizohen nga një raport i “independencës së pranuar” (autoritet) drejt të qeverisurve, mbi bazën e ndonjë principi dhe të ndonjë procesi legjitim; fakti që këto vendime të tipit kolektiv janë , në radhë të parë, të mbushura me sovranitet dhe, në radhë të dytë, konkretisht të vendosura nga qeverisësit.

Këtë parantezë në karakterin e përgjithshëm teorik që shpjegon konceptin e politikës, e bëra për të analizuar aktualisht “anijen berishiane”.

Në çfarë gjendje ndodhet ajo tani? Çfarë orientimi do të ketë në të ardhmen? A do të arrij të ankorohet në breg shëndosh e mirë sipas orientimit të dëshiruar? ‘Anijen berishiane” do e quaj “Titaniku berishian”. Ky titanik është i përbërë nga një grup personash, ku me të vërtetë të gjithë kanë fatin e përbashkët të lundruesit, por që janë të izoluar nga pjesa tjetër e realitetit, sepse nuk njohin asnjë realitet tjetër përveç të tyrin. Pra tashmë ato janë drejtuar drejt ajsbergut social Kuq e Zi dhe kanë mbetur pak milja para se të përplaset e të fundoset.

Timoni i këtij titaniku është në duart e personave që janë mospërfillës ndaj kolektivitetit, sepse nuk pranojnë as gabime dhe as këshilla, duke e çuar anijen drejtë ajsbergëve të mëdhenj dhe të rrezikshëm që mund të rrezikojnë edhe fundosjen e saj. Timonieri i saj, shtetasi Berisha, tashmë është totalisht i çoroditur, i izoluar nga mjegullnaja politike dhe është drejtuar në trajektoren e tij të fundit. Pra, drejt një përplasje fatale politike që do të fundos anije e tij të braktisur.

Berisha tashmë është një timonier që nuk është as ekspert i qiellit, i yjeve, i erës dhe i gjithçkaje që nevojitet për të ndjekur trajektoren e drejtë dhe të dëshiruar. Autoriteti i shtetasit Berisha  siç  e kemi mësuar nga historia, ka ardhur me bajoneta, por që deri më sot nuk është ulur sipër tyre. Berisha e ka ushtruar pushtetin përmes dhunës së justifikuar, duke premtuar demokracinë e ëndërruar ndër vite. Ai legjitimitetin e pushtetit e ka bërë përmes forcës legale të fshehur në petkun e egoizmit personal të sëmurë me virusin e pavdekësisë dhe madhështisë universale.

Sot Aleanca Kuq e Zi organizoi tubimin e saj madhështorë para Kryeministrisë. Kjo nuk kishte ndodhur që në ngjarjet e turpshme dhe tragjike të 21 janarit të prodhuara nga politika e vjetër. Deri dje shumë qytetarë të ndershëm që nuk ishin dakord me regjimin e shtetasit Berisha, nuk kishin guxim të dilnin e të demonstronin, sepse ishin të bindur se po të shkosh tek bunkeri i ti, ai të vret. Madje, disa qytetarë preferonin të shmangnin edhe në jetën e përditshme kalimin në këmbë para bunkerit, ku qëndron në mënyrë jo legjitime shtetasi Berisha.

Pra, shtetasi Berisha kishte përdorur “bajonetat” duke imponuar frikë tek qytetarët. Pra, ai, le të themi, se i kishte dhënë një sinjal të qartë opozitarëve të asaj kohe se: mos provoni të dilni se e dini çfarë ju gjen! Pra, për më shumë se dy vjet e ashtuquajtur Opozitë shqiptare, ishte strukur, fshehur dhe mbyllur në vetvete duke mos përfaqësuar të drejtën e qytetarëve për të tubuar kundër regjimit tribal të instaluar nga shtetasi Berisha. Por, Zoti e dashi që të themelohej Aleanca Kuq e Zi, e vetmja parti me identitet të qartë patriotik. Kjo shpejt u bo zëri dhe shpresa e mijëra shqiptarëve, të zhgënjyer dhe të rraskapitur nga politika e vjetër e papërgjegjshme.

Sot si rrallë herë në politikën shqiptare, Aleanca Kuq e Zi nën udhëheqjen e liderit të saj z. Kreshnik Spahiu marshoi paqësisht nga sheshi “Skëndërbej” në sheshin “Dëshmorët e Kombit” për të ndaluar dhe qëndruar para institucionit të Kryeministrisë.  

Z. Spahiu udhëhoqi vetë protestën pa pasur as para, as anash apo mbrapa truproja. Ai i dha një mesazh të rëndësishëm politikës së vjetër, se nëse populli të donë, nëse qeveris mirë nuk ke as nevojë që të ruhesh. Edhe pse shiu binte pa pushim, mijëra qytetarë qëndruan e protestuan për rreth dy orë rresht. Protesta e AK shënoi dy risi të mëdha e të rëndësishme për gjithë sistemin politik shqiptar. Së pari, theu frikën tek çdo qytetarë, se të protestosh për të drejtat dhe liritë e individit nuk duhet të kesh frikë, por duhet të marshosh në paqe dhe i patrembur. Së dyti, krijojë një standard të ri, se protestat bëhen paqësore dhe se pushteti nuk duhet të merret me dhunë, sepse nuk është i legjitimuar.

Sot, u hap një epokë e re në politikë shqiptare, sepse titaniku berishian tashmë ka filluar të fus uji e të fundoset. Tashmë shtetasi Berisha është i vetëm në një anije disa vjeçare të mbushur me mëkate të mëdha politike, sociale, ekonomike e njerëzore.

Gjithashtu, flota Kuq e Zi, me moton e saj: “Zoti është i pari, Shqipëria mbi të gjitha”, sapo ka nisur udhëtimin e saj të suksesshëm në të mirë të çdo qytetari. Tashmë shqiptarët e zgjodhën anijen që do i drejtojë për vitet që vijnë e kjo është Aleanca Kuq e Zi, e vetmja forcë opozitare me baza të vërteta e reale patriotike e kombëtare. 

Babëzia Meta dhe hipokrizia Rama

Alban Daci

Meta cdo ditë e më shumë me sjelljet e tij prej makiavelisti po dëshmonë se është një politikan i babëzitur dhe para interesit të tij personal nuk vendos asgjë.  Meta këto ditë dëshmojë se: Kualiconi me PD nuk ishte i natyrshëm, por i imponuar. Po si ka mundësi të na mashtrojë në ditën për diell, thua se ne shqiptarët hajmë barë. Harron Meta se atë kualicion e cilësojë si “kualicionin e integrimit”. Ai kualicion ishte i cdo gjëje, i skandaleve, i punësimeve militanteske, i pazareve, i tenderave, i shitejeve te pasurive kombetare, i shitjes së detit, por aspak i Integrimit. Shqipëria e mbylli këtë kualicioni jo duke ju afruar Europës, por duke ju larguar asaj më shumë se kurrë. 

Cështja e dytë është se na qenka i imponuar. Po nga se u imponua Meta që bëri këtë kualicion? Nga dashuria për vendin dhe shqiptarët? Apo nga dëshira për të pasur gjithcka në dorë, përfshi edhe punësimin e Gimit të pa shkollë? Apo me siguri Metës, ia kanë kërkuar amerikanët, sepse e cilësojnë njeri me vizione të mëdha demokratike?! Hajde pallavra hajde! Meta dihet se është i apasionuar për tu shitur si person që ka çelësin e solit në dorë në politikën shqiptare. Disa e kanë besuar dhe e kanë ngrënë këtë teori si sapunë për djathë. I tillë ishte edhe Berisha që krijoi besimin se pa Metën nuk mund të ketë pushtet dhe qeverisje.

Rama nga ana tjetër po përpiqe të justifikohet se bashkimi me Metën është shpresa e vetme për të Majtën shqiptare. Kjo nuk është gjë tjetër vecse një hipokrizi e madhe dhe një mashtrim elektoral për qytetarët. E para ky kod elektoral nuk jep mundësi për të pasur kualicion për zgjedhje, por kualicion për qeverisje. Pra, sipas këtij kodi nuk votohen kualicionet, por vetëm partitë si subjekte elektorale. Në këtë kuptim, për sa kohë nuk kanë përfunduar zgjedhjet, Rama nuk mund të dij forcën reale politike të LSI. Shumë sondazhe, për shkak edhe të skandaleve të ndodhura nuk e nxjerrin LSI në zgjedhje më shumë se 3% në nivel kombëtar. Atëherë si mund të deklaroj Rama, se nuk do të përsëris gabimet e të kaluarës, por këtë radh do të bashkohet me Metën si të vetmen mundësi për të fituar zgjedhjet. Pra, bashkimi i Metës me Ramën jo vetëm është demagogji, por një mundësi për të vazhduar një rrugë të përbashkët pushteti dhe abuzimi me pushtetin.

Hipokrizia e tretë, ka të bëj me faktin se: këtë kualicion e ka kërkuar e Majta europiane. Kjo është vetëm një pallavër dhe mashtrim i dobët elektoral. Meta të njëjtën gjë bëri edhe kur justifikojë kualiconin e tij me Berishën duke thënë se për të shmangur një krizë, për të ecur përpara në procesin e integrimit vendosi të bashkohet me Berishën. E para shqipëria duhet të ketë një politikë të brendshme ex ante në shërbim të vendit dhe të qytetarvë dhe ex post në shërbim edhe të integrimit. Së dyti ideja e tij për tu bashkuar me Ramën se është i majtë, thyen idenë e fashme të tij se për interesa kombëtare dhe qytetare politika duhet të dal përtej llogoreve politike. Pra, ai nuk po bën gjë tjetër vecse po rikthen luftën e famshme mes të Majtës dhe të Djathtës.

Hipokrizia e katërt  e Ramës është se nëse nuk bashkohej me Metën, do e fajësnonin përsëri si shkaktar të humbjes. Problem i madh i Ramës është se ai kurrë nuk hyn në garat politikë me shpirtin fitues, por me idenë e humbjes ose maksimumi me idenë e barazimit. Këtë shpresë të vogël dhe këtë frymë dëshpëruese, Rama e ka fitur nga e kaluara e tij politike dhe po e përcon në të gjitha forumet e të Majtës shqiptare.

Në këto rrethana të një hiprokrizie me aromë të Majtë të përfaqësuar nga pseudo të Majtët si Meta dhe Rama, duhet të përgjigjet me anë të bashkimit edhe e Djathta shqiptare. Pra, politika shqiptare po hyn në gjendjen e një lufte të ftohtë dy polare. Njëri pol sapo është krijuar. Pra, ai i Majti.  Atëherë edhe poli tjetër, ai i Djathti pa humbur kohë duhet të formohet dhe të konfirmohet. Hiprokrizija e Majtë duhet të marrë një përgjigjë hipokritike po nga e Djathta. 

Marrëveshja Rama-Meta

Alban Daci

Duke ditur natyrën dhe linjën politike që LSI ka nuk kisha pikë dyshimi se ajo do të rikthehej në gjirin e të Majtës.  Gjithmonë kam qenë i mendimit se Meta do e braktiste Berishën vetëm në momentin, kur do e kuptonte se ky i fundit ishte i destinuar të humbiste në zgjedhjet e 23 qershorit. LSI është një subjekt politik pa ideologji, pa orientim politik dhe me një sukses të munguar në qeverisje. Në këto rrethana kjo parti nuk mund të qëndroi në Opozitë, sepse në rrethana të tilla nuk mund të mbijetoi në sistemin politik. Kështu ajo është e detyruar për shumë arsye mbijetese të kërkoi gjithmonë e me çdo kusht të jetë në qeverisje. Disa këndvështrime për këtë koalicion:

Marrëdhëniet Berisha-Meta

Në këto katër vite, marrëdhëniet e Berishës me Metën dukeshin sikur kishin kaluar nga marrëdhënie institucionale e formale edhe ne marrëdhënie miqësie e personale. Madje, Meta thoshte se Berisha vjen shpesh në shpinë time, sepse i pëlqen vera ime. Berisha me krenari thoshte se kjo është qeveri e suksesit dhe kjo falë edhe kontributit të LSI e dhe vetë Metës. Pra, dukej si gjithçka shkonte mirë, edhe pse para këtij koalicioni këta të dy kishin patur vetëm marrëdhënie konfliktuale politike. Nuk duhet të harrojmë akuzat e Metës në drejtim të Berishës për ngjarjen e Gërdecit.  Pastaj, duhet të theksojmë se Meta në shumë intervista ka deklaruar me krenari hapur formimin e tij Majtas. Pra, thellë-thellë Metën dhe Berishën nuk i lidhte asgjë tjetër veçse dëshira për pushtet. Në momentin që Berisha nuk garanton më pushtet, nuk garanton asnjë arsye që Meta të bashkëpunoi me të.

E Majta Europiane dhe e Majta Shqiptare

Shumë studiues thonë se ndarja klasike mes të Majtës dhe të Djathtës është shumë e hollë dhe thuajse e padukshme. Pra, sot në Europë është vështirë të thuash kush është e Majta dhe kush është e Djathta. Dallimi kryesor sot në Europë bëhet sipas kritereve qeverisëse: kush ka qeverisur mirë dhe kush ka qeverisur keq? Kush i ka mbajtur më shumë premtimet e kush jo? Kush forcë politike qëndron më pranë qytetarëve dhe kush nuk do t’ia dijë për ta. E Majta Europiane ndodhet në një krizë të thellë identiteti ideologjik dhe politik. Për ta besuar këtë mjafton të përmendim gjendjen në të cilën ndodhet e Majta italiane dhe ajo greke. Të dyja janë në një krizë të thellë, për faktin se me keqqeverisjet e tyre kanë humbur besimin tek qytetarët. Po bëj këtë parantezë për të bërë lidhjen me Internacionalen dhe me Papandreun që u bënë thirrje Metës dhe Ramës të lënë ndasitë e të bashkohen për të fituar. E Majta europiane dhe vetë BE duket sikur kanë disa standarde për partitë shqiptare dhe për vetë Shqipërinë. Nga njëra anë kërkojnë të miratojmë tre ligjet dhe ne të afrohemi me Europën dhe nga ana tjetër duan që Meta dhe Rama të bashkohen për të fituar zgjedhjet. E para, në Shqipëri duhet të vendoset parimi i ndëshkueshmërisë politike dhe ligjore. Ndëshkueshmëria politike është nëse kjo Qeveri nuk votohet në 23 qershor nuk duhet të votohet asnjëra nga partitë që e ka përbërë atë.

Ky koalicion me probleme të mëdha keqqeverisje njihet si koalicioni PD-LSI. Atëherë, sipas të Majtës europiane çfarë morali ka që LSI të bashkohet me PS dhe të jetë përsëri në qeverisje pas 23 qershorit edhe pse deri tani ka treguar se nuk dinë të qeveris. E dyta, kujt i shërben ky bashkim? Të majtës shqiptare? Shqiptarëve dhe Shqipërisë? Një gjë është e sigurt se ky bashkim nuk u shërben aspak njerëzve të ndershëm të këtij vendi. Në Shqipëri duket sikur parimi i ndëshkueshmërisë ligjore nuk ekziston dhe këtë nuk e do të ekzistojë as vetë e Majta europiane. Në këto katër vite kanë ndodhur disa skandale dhe deri tani nuk kemi asnjë përgjegjës. E Majta europiane duhet ta kuptojë njëherë e mirë se nëse nuk pranon dhe aplikon ndëshkueshmërinë, nuk mund të shkëputet nga e kaluara dhe nuk mund të rifitojë besimin e humbur të qytetarëve.

Koalicioni Meta-Rama dhe optika ndërkombëtare

Me sa po kuptojmë ky koalicion po kërkohet me çdo kusht nga Europa dhe jo nga SHBA. Për mua kjo përbën një shqetësim të madh. Së pari, kjo tregon se tashmë fati i Shqipërisë është në duart e Europës. Së dyti SHBA nuk janë më të interesuara për proceset politike në vend. Së treti, Shqipëria duhet të bëj zgjedhjen e saj mes SHBA dhe Europës. Vetë Europa është në një krizë të thellë politike, institucionale dhe ekonomike. Gjithashtu, Europa nuk ka qëndrim të unifikuar dhe stabile kundrejt nesh. Ndërhyrjet politike të Europës në Shqipëri nuk kanë qenë asnjëherë të suksesshme. Si mund të na jap këshilla një si Papandreu dhe një vend si Greqia, e cila ka falemintuar pikërisht nga politikat e gabuara që kanë zgjedhur partitë klasike të këtij vendi. Mendoj, se për Shqipërinë partner kryesor dhe i padiskutueshëm duhet të mbeten vetëm SHBA, ndërsa konsultativ dhe miqësor duhet të jenë vendet Europiane.

A ka risi koalicioni Meta-Rama

Shqipëria ka vite që lundron në tranzicionin e dhimbshëm ekonomik e politik. Shqiptarët tashmë kanë nevojë për një model të ri politik, për një mendësi të re politike dhe për figura të reja politike, me energji, vizione dhe me dëshirë të madhe për të bërë reforma të thella për të realizuar progresin ekonomik. Koalicioni Meta dhe Rama nuk sjellin asnjë të re në politikën shqiptare. PS është provuar në këto 22 vite se me çfarë mendësie qeveris. Gjithashtu, shqiptarët panë fare mirë edhe modelin qeverisës të LSI. Pra, nuk mendoj se pas 22 vitesh tranzicion, bashkimi i Metës me Ramës është ajo që shqiptarët kërkojnë pikërisht në këto momente. Shqiptarët kanë nevojë për njerëz që kanë një politikë të mirëfilltë patriotike-atdhetare, ku shqiptarët janë të parët dhe Kombi është mbi të gjitha.